കൃഷ്ണാ ഹരേ ജയാ കൃഷ്ണാ ഹരേ ജയാ
കൃഷ്ണാ ഹരേ ജയാ കൃഷ്ണാ ഹരേ
അഞ്ജന ശ്രീധര ചാരുമൂർത്തേ കൃഷ്ണാ
അഞ്ജലി കൂപ്പി വണങ്ങിടുന്നേൻ
ആനന്ദാലങ്കാരാ വാസുദേവാ കൃഷ്ണാ
ആതങ്കമെല്ലാമകറ്റിടണേ
ഇന്ദിരാ നാഥാ ജഗന്നിവാസാ കൃഷ്ണാ
ഇന്നെൻെറ മുന്നിൽ വിളങ്ങീടണേ
ഈരേഴുലകിനുമേകനാഥാ കൃഷ്ണാ
ഈരഞ്ചു ദിക്കും നിറഞ്ഞ രൂപാ
ഉണ്ണീ ഗോപാലാ കമലനേത്രാ കൃഷ്ണാ
ഉള്ളിൽ നീ വന്നു വസിച്ചിടേണം
ഊഴിയിൽ വന്നു പിറന്ന ബാലാ കൃഷ്ണാ
ഊനം കൂടാതെന്നെ പാലിക്കേണം
എന്നുള്ളിലുള്ളൊരു താപമശേഷവും
എന്നുണ്ണിക്കൃഷ്ണാ ശമിപ്പിക്കേണം
ഏടലർ സായക തുല്യമൂർത്തേ കൃഷ്ണാ
ഏറിയ മോദേന കൈതൊഴുന്നേൻ
ഐഹികമായ സുഖത്തിലഹോ കൃഷ്ണാ
അയ്യോ നമുക്കൊരു മോഹമില്ലേ!!
ഒട്ടല്ല കൗതുകമന്തരംഗേ കൃഷ്ണാ
ഓമൽത്തിരുമേനി ഭംഗി കാണാൻ
ഓടക്കുഴൽ വിളി മേളമോടെ കൃഷ്ണാ
ഓടി വരികെൻെറ ഗോപബാലാ
ഔദാര്യ കോമള കേളീശീലാ കൃഷ്ണാ
സൗഭാഗ്യ സമ്പൽ സമൃദ്ധി താനേ
അംബുജ ലോചനാ നിൻ പാദ പങ്കജം
അൻപോടു ഞാനി#3364;ാ കുമ്പിടുന്നേൻ
അത്യന്ത സുന്ദര നന്ദ സൂനോ കൃഷ്ണാ
അത്തൽ കളഞ്ഞെന്നെ പാലിക്കേണേ
കൃഷ്ണാ ഹരേ ജയാ കൃഷ്ണാ ഹരേ ജയാ
കൃഷ്ണാ ഹരേ ജയാ കൃഷ്ണാ ഹരേ
------------ *** ------------